( 873 ) المصريون يشجّعون السياحة ولكن ...!!

صدر العددالاول فى يناير 2010

احتياج المصريين لدورات تدريبية

فى التعامل السياحى

تصرفات المصريين الشاذة فى الفنادق

 تؤثر سلبًا على السياحة

تعديل سلوك المصريين في إستخدام الأماكن السياحية

   ضرورة مهمة جدًا ..

وزير السياحة المصرى يحى راشد 

الاصدقاء الاعزاء :

يستغيث مديرو الفنادق في شرم الشيخ والغردقة ومرسي علم من السياحة الداخلية المصرية بسبب :

1 - سرقة ممتلكات الفندق

2 - عدم الإحترام للعاملين في الفنادق

3 - مسح أحذيتهم في ملايات السرير والبشاكير

4 - الإسراف والإهدار في تناول المأكولات والمشروبات

5 - الجمله الشهيره "أنا هنا بفلوسي"

6 - إلقاء المخلفات والقمامة فى أى مكان

7 - عدم النظام والهمجيه في المعاملات

8 - نزول البحر وحمامات السباحة بالملابس الداخلية

9 - بياخدوا الأكل ويلفوه فى كياس ويحطوه فى الشنط بحجة العيال بتجوع وهم بيعوموا رغم إن أغلب الفنادق فيها وجبات سناكس بين الوجبات على البيتش وجمب حمام السباحة

10 - الشباب المصريين بيغلسوا على الأجانب وبيديقوهم فى كل حاجه

 

مضايقات السائحات 

• حضرتك لما تشرفنا في شرم الشيخ أو أي بلد سياحية في أي وقت تأكد إن من حقك ( من وجهة نظرك ) كل الآتي يا فندم :

• إنك تاخد البشكير والفوطة إللي في الغرفة وتخبيهم في الشنطة وإنت ماشي عادي

• تلم الملايتين وكيس المخدة برضه وتخبيهم وتاخدهم شغال

• شوكتين وسكينتين ومعلقة شاي إستانلس كدة ماركة حلوة علشان تنفع البنت في عزالها برضه مقبول ( بس لو هتركب طيران المطار هيبلغنا وهنيجي ناخدهم منك في المطارعلشان الإكس راي بيكشفهم وشكلك هيبقي وحش )

• تطمع في كارت الغرفة وكروت الفوط ده شئ يشرفنا يا فندم برضه أهو منه دعاية للفندق لأنهم عليهم شعار الفندق برضه

• ترص كاتيل الشاي والمجات في الشنط بحيث إنهم مايخبطوش في بعض ويتكسروا والبلمان يعرف وهو بينقل الشنط لحضرتك تبقي حريف

• تفك كفر قاعدة التواليت بحرفنة ولما الهاوس كيبينج يبلغ الريسبشن إن الكفر مش موجود في الغرفة يبدأ إستفسار من موظف الإستقبال لحضرتك وحضرتك تنكر وبعدين لما تلاقي مافيش مفر وشكلك هيبقي وحش وإتكشفت خلاص ولازم تفتح الشنط بتاعتك وشكلك مش هيبقي كيوت خالص فتعمل فيها 9 رجالة في بعض وتعلي صوتك وتقول دا أنا أشتريكم بفلوسي وشوفوا تمنها كام وخدوه على الجزمة تبقي فعلا حضرتك راجل سخي ومتشكرين على وافر عطاءك ومساهمتك معانا في التنشيط السياحي لقاعدة التواليت يا فندم

• تشغل التكييف ليل نهار حتى وإنت خارج ترفع الكارت من الباور سيفر و ( تحشر ) ورقة علشان سيادتك خارج الساعة 9 الصبح رايح البسين وهترجع الساعة 7 المغرب فمحتاج الغرفة تكون رطبة لإستقبال حضرتك فده شئ يسعدنا جدا إن حضرتك تبقي متكيف وتنحرق التكييفات وتولع فاتورة الكهربا خالص في سبيل راحة حضرتك في الغرفة يا فندم

• يوصل بيك الحال إنك تاخد الزبدة البوشن في أكياس بلاستيك وحضرتك عامل تشيك أوت ده شئ يخلينا طايرين من الفرحة يا فندم إن إحنا بنقدم أكل عاجب حضرتك لدرجة أنك واخد منه وأنت مروح كمان ( بس خد بالك دي لازم تتحفظ في درجة سالب 18 فممكن تسبب تسمم للأولاد وهي محفوظة في الشنطة لمدة يوم في درجة حرارة 40 يا فندم ) وإحنا طبعا عايزينكم تيجوا لينا تاني فخايفين عليكم من التسمم يا فندم

• تتقل على نفسك وتاخد كل الحاجة الساقعة إللي في الميني بار كل يوم وتداريها علشان الراجل يعمل ريفيلينج ليها كل يوم وحضرتك تاخدها وإنت مروح فده أكيد علشان تهضم الأكل الجميل بتاعنا في خلال شهر ما بعد الأجازة

• تفكر برا الصندوق وتفضي كل تيوب الشامبو والشاور جيل في إزازة مياه فاضية وترمي الفاضي في الباسكت علشان الهاوس مان يعرف إنك إستخدمتهم وماسرقتهم فدا شعور طيب من حضرتك تجاه منتجاتنا إللي بنقدمها لحضرتك

• تطفي على الأرض والطافية تقع على الفرش ويتخرم وننجدة تاني علشان الطفاية قدام حضرتك بس مليانة قشر برتقال ومكسل تقوم تفضيها عادي جدا يافندم عندنا عم نبوي المنجد هينجد الفرش كله بعد ماحضرتك تقضي أجازتك براحتك وتمشي يافندم

• من حقك علينا حاجات كتيرة جدا يا فندم غير دي كمان ومن واجبنا إن إحنا نقدمها لحضرتك ولو فيه أي تقصير من حد من العاملين بالسياحة ممكن تشتكي للفندق وهما اكيد هيساعدوك علي حل مشكلة.

 

ياعم الحج عيب عليك
  اقعد فى الضلة او تلبس مايوه مش عيب 

لكن إللي مش من حق حضرتك بقي :

• وإنت قاعد في اللوبي تأزأز لب وترمي القشر على الأرض ( بلاش أقول اللفظ التاني ) لم أولادك جنبك وخليهم يوطوا صوتهم ويعرفوا إن ده لوبي فندق وفيه ناس تانية من جنسيات تانية قاعدة وشايفة المنظر وبتصور وتفضح على النت وماتشغلش بالك بالقشر هنبقي نكنسه بعد ما تقوم

• مش من حق أولادك إنهم يستخدموا تكاية الصوفة على إنها كورة شراب لأن إحنا عملناها لحضرتك تتكئ عليها وفيه ناس حواليك بتصور الأولاد وهما نتيجة ماتشهم بالتكاية تلاتة واحد لصالح عمر الصغير

• سيب الأقلام الرصاص في البيت وإنت جاي لأن حيطة الغرفة مش سبورة سنة تالتة رابع فبلاها مذاكرة الأسبوع ده

• مش من حقك يا مدام لما إبنك يعمل ببي جنبك وإنت على الشازلونج إنك تقومي تقلعيه الحفاضة وترميها على طول إيدك في ( الجونينة ) وتغسلي لإبنك مكان الببي في حمام السباحة على مرئى ومسمع كل الحاضرين لأن فيه خمسن ستين واحد أجنبي حواليكي بيصوروا ويرفعوا على مواقع التواصل الإجتماعي في لحظة وكذلك مواقع شركات السياحة يعني حضرتك بتأثري علي السياحة كلها يعني حضرتك جزء من خراب إقتصاد دولة ناهيكي عن غلق حمام السباحة وعمل صدمة كلور ليه علشان نلم الفضايح ونحافظ على صحة الباقي

منظرك عِرّة يافلاح .

• مش من حقك تعامل الموظف على إن دا الخدام إللي باباك قالك روح يابني هتلاقي عثمان الخدام كتير هناك دا حضرتك ممكن يكون راجل متعلم أعلي منك ومتحضر وإبن ناس ومتجوز ومخلف وبيقبض مرتبه من صاحب الفندق مش من حضرتك فدوره أنه يوفر كل سبل الراحة ( المشروعة ) لحضرتك يعني مش خدام دا مضيف

• مش من حقك تمد إيدك على شنطة نزيل جنبك نزل حمام السباحة وساب أغراضه ومأمن عليها بس الآيفون 7 زغلل في عنيك وماحدش واخد باله لإنك بتفضحنا على الملأ وكاميرا المراقبة جايبة حضرتك على الشاشة وإنت مش واخد بالك

• مش من حقك تغرف أكل يكفيك لو إنت في بيتك إسبوع على الأقل علشان إنت مكسل لو خلصت تقوم تجيب تاني فبتجيب مرة واحدة وإللي يفيض الخدامين يبقوا يشيلوه ( ولتسئلن يومئذ عن النعيم )

• مش من حقك تعتبر المطعم هو كافتريا أم حسن وتنادي على المدام وهي على البوفيه تقول ليها ( صوباعين كفتة جريل ) وإنت جاية يا سناء لأن فيه أجانب جنبك وملاحظين ومتأذيين

• مش من حقك تعامل الراجل المسؤول عن نضافة غرفتك بشكل مهين لأنه مش فتحية الشغالة وخد بالك دا ممكن يكرهك في رحلتك بكل هدوء وبرود أعصاب

• مش من حقك تنشر ( الترنج والمنطلون ) في التراس ( البلكونة ) أو تفردهم على الزرع في ( الجونينة ) علشان يلحقوا ينشفوا لأن أنتم نازلين بيهم خليج نعمة بالليل

ماشى مكسوف من منظره خيبة كبيرة
 

• مش من حقك تحسسنا إن كل أعمالك ومشاريعك وقفت بسبب إن الواي فاي عندنا ضعيف لأن متوسط سرعات الأنترنت في الفنادق 60 ميجا في الثانية ( لكل النزلاء ) فمش فرض علينا يا فندم نحمل لحضرتك ( فيلم ) مدته ساعتين تلاتة في ثانيتين تلاتة حاول تأجله لما تنزل وإعمل له داونلود في مقر الشركة وهناك هتلاقي سرعة واحد ميجا ممتازة وسريعة

• مش من حقك إنك بعد ما يتوفر ليك كل سبل الراحة خلال فترة إقامتك بس لأنك عايز تقعد يومين كمان على حساب الفندق فبتصطنع مشكلة ولما تتزنق وتلاقي الموضوع مفقوس فتكتب على المواقع السياحية إن دا فندق كوخة ( خد بالك إن العالم كله بيقرا الكومنت دي ) فأنت بتأثر على إقتصاد دولة

أعذر جهلي وشدة إسلوبي بس ده لأن إحنا أتربينا وإتعلمنا في مدارس سياحة صح ( زمان ) إللي تقريبا ماعدش باقي منها حاجة في الوقت الحالي

الخلاصة يا فندم إن من حقك تستمتع ببلدك وإحنا نضايفك أجمل ضيافة أكتر من الأجنبي مليون مرة

وتأكد إن حضرتك أهم بالنسبة لينا من الأجنبي أبو عنين خضر بس كل ما في الأمر إن إحنا عايزينه لما يمشي يرجع تاني أو يبعت غيره علشان العجلة تدور ناهيك عن إن حضرتك كنت ومازلت سبب رئيسي في عدم وقوع السياحة بوقوفك جنبها وتشجيعك للسياحة الداخلية يعني من حقك تاخد إللي من حقك وده لأن صاحب الفندق بيكسب من وراك ومش من حقك تعمل إللي مش من حقك لأن إقتصاد البلد بيتأثر برضه من وراك

خليك إيجابي وإظهر أجمل مافيك وخليك سفير لبلدك قدام كل الأجانب ووصل رسالة حلوة للناس يمكن تكون سبب في فتح بيت حد غيرك بسبب فعلك الطيب

وتأكد إن إللي بيعمل الحاجات دي عدد بسيط جدا من الناس إللي بتشرفنا لكن زي ما المثل بيقول الحسنة بتخص والسيئة بتعم علشان كدة إللي بيمشي من عندنا بيقول المصريين كذا وكذا

دمتم طيبين وآسف جدا على الإطالة

وأتمنى لو أن البوست ده يوصل للسادة المسؤولين ليدركوا ما آلت إليه الأوضاع

لو شايفه كلام مفيد وقريت البوست للآخر قول لينا وجهة نظر حضرتك وأعمله شير يمكن نكون سبب في التغيير

وإظهر أجمل مافيك •••

لكم تقدير واحترامى ولمصر الحب كله 

العربى السمان 

( 872 ) نحن والنواب وتحقيق المطالب ومشكلة العتاب

صدر العدد الاول فى يناير 2010

دبيا أ

نحن والنــــــــــواب

 وتحقيـــــق المطالب وغياب العتــــــــاب

الاصدقاء الاعزاء

انشغل الرأى العام الفيسبوكى فى السويس منذ سويعات بمشكلة أثارها الصديق العزيز عضو مجلس محافظة السويس السابق احمد حسن عبد الكريم يمكن ان نسميها ( الضرورة الحتمية لتحقيق نائب الناس مطالب الناس ــ من وجهة نظر الحاج احمد حسن ) فكل الذين وقفوا مع النائب فى الانتخابات يرون مثل رؤية الحاج احد ( ضرورة التنفيذ) وهو مطلب اقرُّ واعترف انه ضرورى سواء من يرى ان المطالب العامة اولا رصف طرق ــ تشغيل شباب ـ انشاء مصانع ـ راحة اصحاب المعاشات وهكذا ومنهم من يرى الا الخاصة اولا .. والنواب هنا لابد ان يتحلوا بالصبر والمثابرة دوما نحو تحقيق مطالب الناخبين والا فينطبق عليه ( من لم يستطع فعليه الاعتذارأوالانسحاب فورا ) والنواب الحاليين الخمسة تقف امامهم عقبات تهد الجبال منها الجهازالتنفيذى مصدر الخيبة متحججا بالامكانيات وعدم وجود فائض ومن هذه العقبات عدم تعاون رجال الاعمال فى المساهمة فى انشاء مصانع ولو صغيرة تضم بعض الشباب المتعطل ، واسألوا عن الأميرة فاطمة حفيدة الخديو إسماعيل التى تبرعت بمالها وحليها التى قُدرت آنذا ك بــ 70 الف جنيه مصرى لتساعد فى إنشاء كلية الآداب فى جامعة القاهرة ، ومن اخطر العقبات عدم موافقة البعض على ما يسمى العمل المؤقت او الادنى من مؤهله ( ياجماعة مؤقتا لغاية ما نلاقى فرصة احسن ) ،، هكذا يقول النائب يرد عليه صاحبنا : لأ انا وقفت معاك وفى الآخر ابنى يشتغل كذا مع ان مرتب الكذا ده ( 1800 ) اى والله الف وثمانمائة جنيه صافى . ومن العقبات ايضا ان تشغيل الابن مفضل عند الغالبية من الناخبين على اى مشروع قومى آخر .. وياعم فُضّك بقى شغلى الواد الاول وارحمنى من مصاريفه حرام عليك انا معايا غيره . انهم اى النواب يعملون ليل نها ولو اتيح لى الحديث

 فالنائب محمد المصرى تليفونه لا يهدأ واتصالاته بالمسئولين لاتنتهى .

اصدقائى الاعزاء :

مهما كان الامر لابد ان نحترس من اساليب النقد غير البناء من بعض أعضاء الفايسبوك او التويتر وهذا الذى يظل فى كل مرة شاتمًا كل النواب ولما تسأله انت شايف ايه الحل لو كنت انت النائب .. ميردش زى البعض شغال شتايم وبس والغريب انه فى غفلة ظنا منه انه على حق والغريب ان بعض الطامحين فى الترشح قادمًا للمحليات يشتم ايضا ويقول عبارات جارحة للنواب ظنا منه ان هذا يرفع مكانته وسط الناخبين اقول له ( خيابة وهبل وموضة قديمة ) بدل كده قول للناس عن برنامجك ( وخلوا بالكم حيشتمنى الان ويقول انت اكيد قابض او مجامل ,’,, لا يا صاحبى انا واقعى وخلى بالك من ناحية اخرى النائب بيتعرض للمرض اكثر من غيره والحمد لله لمستُ هذا بنفسى من خلال متابعتى واشتراكى فى الا نتخابات المتعدده والكثيرة والمتنوعة مابين انتخابات حزبية او مجالس محلية او نيابية ــ عشان بس محدش يزايد على كلامى ــ واخيرا استاذ احمد حسن عبد الكريم المثقف المتحدث اللّبق الصفحة العامة على الفيس بوك ليست مكانًا للعتاب والنائب طلعت وزملاؤه ــ محمد المصرى ـ عبد الحميد كمال ـ طارق متولى ـ نانسى نصير عليكم بالصبر والمثابرة ( يعنى استمروا فى قضاء حاجيات الناس وليخش التنفيذيون وعلى راسهم المحافظ اللهََ ويتعاونوا كل فى مكانه مع النواب .

لكم تقديرى واحترامى وللسويس ومصر الحب كله&.

العربى السمان 

( 871 ) نجاح متوقع للدورة الرياضية بالسادات

صدر العدد الاول فى يناير 2010

نجاح الدورة الرياضية بالسادات كان متوقعًا

مجهود خارق للكابتن عبد الخالق دعبس

الكابتن عبد الخالق دعبس منسق عام الدورة
فى حديث مع المخرج السويسى
 مصطفى عطية
 قناة القنال التليفزونية 

كادر رياضى جديد

 ينجح فى التنسيق الادارى للدورة

جمهور الاربعين 

 راضون عن اداء

 طارق عبد الخالق

الدورة الكروية الصيفية بالسادات

الاصدقاء الاعزاء 

النائب طلعت خليل
 وعلى يمينى  المستشار احمد خزيم
  والدكتورة ايمان عبد الحميد
والانسة رانيا عطا الله حزب مستقبل وطن
 وطارق عبد الخالق منسق الدورة 

  تم مساء اليوم الاحد الموافق الثالث والعشرين من يوليو  المباراة النهائية للتنافس على كأس الزعيم جمال عبد الناصر ،

وقد تنافس على الكأس 12 فريقا 

من مختلف انحاء المحافظة  وكان 

كان لحضور المهندس ابراهيم الغازولى
 وهو يتوسطنا  اثره الكبير
احتفالا بثورة الثالث والعشرين من يوليو  وبالدورة الرياضية 

قد تم تقسيم الفرق الى مجموعتين  باشراف منسق عام الفرق الكابتن عبد الخلق دعبس وتقابل فى الدور قبل النهائى اربعة فرق  فريق (ج م س )  والفريق الطبى  من مجموعة 

وكل من فريق البراجيلى واولاد الراوى وبعد 11 يوما على بدة الدورة اسفر صعود كل من فريق ج م س وفريق البراجيلى للتنافس على المركزين الاول والثانى ( المباراة النهائية )

  بينما فاز الفريق الطبى بالمركز الثالث للدورة . وسبقت النهائى مباراة بين البراعم الصغيرة .

ولحظة انطلاق صفارة الحكم معلنا بدء المباراة النهائية اتجهت كل الانظار الى ملعب السادات متابعة هذا الحدث وقد اسفرت المباراة عن فوز فريق 

ج.م.س بالمباراة النهائية ومحققا كأس البطولة فائزًا بنتيجة 5/1 خمسة اهداف وهى نتيجة ثقيلة بكل المقاييس وفاز بالمركز الثانى فريق البراجيلى

  وقد تسلم الفريق الفائز الكأس والميداليات  من النائب طلعت خليل  وقد اعتذر النائب محمد المصرى لوجوده خاج السويس

النائب محمد المصرى 

 وحضر المباراة المستشار الاقتصادى احمد 

المستشار الاقتصادى احمد خزيم
 والقطب الناصرى المهندس  ابراهيم عزولى  

خزيم  والمستشار ياسين محمد ياسين والحاج محمد النعيمى والحاج محمد الجميل والمهندس ابراهيم الغزولى القطب الناصرى المعروف والكابتن عربى حسان 

الكادر الرياضى طارق عبد الخالق
منسق الدورة  فى حديث
 مع المحرج التليفزيونى الكبير مصطفى عطية 

وممثلين عن الحزب الناصرى وحزب مستقبل وطن وجماهير غفيرة من محبى الكرة ومشجعى الفريقين .

   الاصدقاء الاعزاء الى اللقاء مع لقاءات جماهيرية اخرى .

 لكم منى تقديرى واحترمى

 ولمصر الحب كله

                         العربى السمان  

( 870 ) النصراب تتفق على ضرورة تفعيل القانون فى موت ابنهم

صدر العدد الاول فى يناير 2010

النصراب تنتصر لسيادة القانون  

 

الاستاذ  جاد المواص المتحدث الرسمى باسم النصراب 

إجتمعت اليوم  الجمعة الموافق 21من يوليو 2017م الساعة السادسة مساءً قبيلة النصراب بمركز قفط محافظة وقراها بمنزل أهل المرحوم  الشاب
 ( سيد سمير ) الذى قتل بمركز شرطة قفط كما هو موضح لاتهام أهله فى محضر النيابة،،، وقد تحدث الشيخ جاد المواص 

المتحدث الرسمى للقبيلة قائلا ،،لقد أتفقنا على احترام القانون وسننتظر لائحة الإتهام للمتهمين من مركز شرطة قفط بعد صدور تقرير الطبيب الشرعي والذى سيحدد أسباب وفاة إبننا سيد سمير النصرابى لإحتجازه بمركز الشرطة وقال يجب أن يلتزم الجميع ويتحلى بالصبر حتى نأخذ الحق.

من جهة أخرى قال المجتمعون أن حق سيد سمير لن نتركه أبدا

وأنتهى الإجتماع بإتفاقهم  على الاستمرار  فى المطالبة للقصاص للمرحوم سيد سمير النصرابى

شارك مشكورا ا مجاهد يوسف ومحمود ابوعمر 

 لمبه سهارى

 وكان المواطن سيد سمير قد لقى حتفه  بان تم القبض عليه بتهمة سرقة 

( توكتوك ) من المستشفى العام  وتعرض للتعذيب  فى مركزشرطة قفط  ادى الى ان لفظ انفاسه الاخيرة فتم الالقاء به امام المستشفى العام بقفط  ونشرتُ يومها مقالا على صفحات الفيس بوك قلتُ فيه :

من الواضح ان مصر لم تتخلص بعد من تجاوزات بعض رجالها من الشرطة . كنا نظن ان عهدًا بغيضا من المعاملة الجافة العدائية التى كانت الداخلية تتبناها تجاه اشقائها من المدنيين بنى الوطن ــ قدانتهت ـ لكن للأسف لا ، فالمعروف لدى حقوق الانسان ان المتهم له خاصية الانسان لم يفقدها بعد حتى لو ثبتت ادانته وحوكم تظل انسانيته ملكًا خالصا له يدافع عنها له كل الناس كل العالم ، فنحن هنا فى قفط البلد المتحضر الراقى امام ظاهرة بغيضة فالقبض على مواطن وتوجيه اتهام بالسرقة له لا يعنى تعذيبه ابدًا والا فلماذا تم حمله والقاؤه اما باب المستشفى الا بغرض الهروب من المسئولية والتنصل من الواجب الوطنى نحو مواطنى مصر الصعايدة ، لا يصح توجيه اللوم لمن تظاهر وطالب بالقصاص من القاتل .

الى اللواء مجدى عبد الغفار وزير الداخلية هناك ضابط تجاوز حدوده تجاه من كلفك الرئيس برعايتهم والحفاظ على امنهم وتسبب برعونته فى ازهاق روح مواطن ( وحيد ابويه ) هو قبل اى حكم برىئ حتى الان .... فماذا انت فاعل به ؟؟؟!!!

اهلى الكرام الصبر طبيب ونحن ننتمى الى طبقات المجتمع المثقف ولن ننساق وراء من يثيرنا لفعل اى شىء يخالف القانون .

لكم تقديرى واحترامى ولمصر الحب كله

العربى السمان