( 827 ) النائب ومتطلبات النيابة ومعطعم السيدة الاكل مجانا

صدر العدد الاول فى 16 من يناير 2010


                                    النائب  ومتطلبات النيابة 

اطلب الاكل مجانا 

من السعودية الى السيدة زينب

الخير عابر للقارات

الاصدقاء الاعزاء 

النائب محمد المصرى 

     النائب ومتطلبات النيابة

 حضر الى مكتب النائب محمد المصرى  نفرٌ من عائلاتنا الصعيدية  وكانوا وكأن على وجوههم غضب شديد  ولما استفسر النائب منهم عن طلباتهم  قال كبيرهم  عاوزين حضرتك فى مشكلة الواد خدوه القسم  وكانت خناقه كبيره  وواضح انه لم يفسر اكثر  فتحدث  منهم احد رجالهم  وحكى الموضوع .

 من جوالى عشرين يومًا  حاول ابن عمى التحدث   من ابن قريب لنا  ايضا مطالبا بسداد الدين الذى عليه  وبين اخذ وعطاء اشتد الحوار بينمهما  ووصل الى الاشتباك بالايدى  وتبادل الطرفان استخدام السلاح الابيض ( المطاوى ) فأُصيب  ابن عمى صاحب الدين  باربع طعنات فى جسدة نُقل على إثرها الى المستشفى ولما تماثل قليلا للشفاء  كانت محاولات الصلح  وجاء  مندوب من الطرف الاخر ( الجانى ) لطلب الصلح فرض ابن عمى قائلا آخد ضربات جسمى عشان لما نقعد  للصلح نبقى اطراف متساوية ولا اجلس وموقفى ضعيف  وفعلا  قام ابن عمى هذا بتجهيز ثلاثة معه واعتدوا على الجانى اعتداءًا شديدأ وما هى الى ساعة حتى حضرت اعداد غفيرة  من اقرباء الجانى الذى اصبح مضروبا  واعتدوا هذه المرة بالشماريخ والسنج  وزجاجات  البترول على العمارة كلها التى يسكن فيها ابن عمى . وجاءت سيارة الشرطة واخذوا ابن عمى واربعة منهم واحتجزوهم للعرض على النيابة باكر .

النائب المصرى :

وانا ايه المطلوب منى ؟؟!!

  كبيرهم : عاوزين تاخد القضية دى وتلحقنا  وتطلع الواد اللى مسكوه ( وطبعا ياسيادة المستشار  الاتعاب وفوجها شوية )

النائب المصرى ( المحامى  ):

  طبعا انا سمعت القصة كلها وفهمت ولكنى آخذ أولا على الجانى المصاب  لو وافق على الصلح من البداية ما كان حدث هذا وكان حياخد حقه مية فى المية .ما علينا

اما عرضكم انى اتولى القضية   لا يصح وانا نائب  انتوا فاهمين نائب يعنى   ايـــــه  يعنى احمى واخد الحق للاتنين  يعنى   تشوفوا محامى غيرى  والا فما رايكم لو احدهم  الطرف الآخر  طلب منى ذلك
 استفسر النائب انتوا منين ؟؟

اتضح اصدقائى الاعزاء انهم من بلد واحد  من محافظة واحدة .

  كان مافعله النائب المصرى منطقيا  ومبدئيا  واثبت انه نائب مصر كلها

 حتى انه قال لهم لوأن هناك خصومة مع الدولة ومن اى اجهزتها ايًا كانت  لما تأخرتُ ابدا .

  النزاهة عنوان رئيسى لسلوك النائب  اذا اراد اذا اراد رضا الله والناس .

الاصدقاء الاعزاء

يقول الرسول صلى الله عليه وسلم :

    من كان له فضل زاد فليجد به على من زاد له

   صدق رسول الله صلى الله عليه وسلم

 هذا قول رسولنا الكريم  وما فعله وائل   يحسسنا  ان الدنيا مازالت   تمن علينا بامثال صحابة رسول الله   واننا فى هذا نشجع اصحاب الاموال للتبرع بما تجب الزكاة فيه الى الفقراء والمساكين .

 والان لدينا قصة حقيقية بطلها المواطن الصالح وائل  هيا اليها :

وائل صاحب المبادرة 

على موقع فيس بوك كانت هناك صورة للافتة معلقة على أحد مطاعم الأسماك بالسعودية حاملة 3 عبارات «من لا يملك ثمن الطعام، فيطلبه مجانا، فهذا رزق من الله»، عبارات كانت فارقة مع وائل عطية، صاحب مطعم بالسيدة زينب، الذى أعجب بالفكرة ونفذها فى مطعمه. «فى ناس مش لاقية تاكل» هكذا عبر وائل عن سبب تعليقه اللافتة، مضيفا: «الفكرة كانت فى دماغى، ولما شفت الورقة دى على النت كان مطعم سعودى عاملها عجبتنى وطبقتها».  

كثيراً ما يقف محتاجون أمام باب المطعم على استحياء إلا أن وائل سرعان ما يعرف طلبهم: «فى ناس بتتكسف تطلب أكل، لما بتشوف الورقة دى، مش بتتكلم، هى بس بتشاور على الورقة واحنا بنعمل معاهم الواجب على طول». 

يرى وائل أن اللافتة كانت «فتحة خير» عليه، ولم تكن مصدراً لنقص المال

«ربنا كرمنى من ورا الورقة دى ورحت الحج، كان نفسى فيها بقالى سنين».

 لافتة وائل دفعت عددا من محبى الخير إلى دعمه فيما يفعله، يقول وائل: «ناس ساعات بتسيب مبلغ بسيط وتقولى لو حد عايز أكل، يبقى على حسابى، وفى اليوم ممكن يجيلى 20 واحد يطلب أكل من الورقة وممكن ميجيش حد خالص». 

يتمنى وائل أن تنتشر الفكرة فى كل المحال، قائلا: «لو كل محل سمك ولا لحمة عملها مش هيأثر معاهم فى الفلوس ولا الرزق».

لكم من تقديرى واحترامى ولمصر الحب كله 

 العربى السمان