المشاركات الشائعة

الثلاثاء، أبريل 19، 2016

( 771 ) تحية لكل شهيد .... عادل رشاد

صدر العددالاول فى يناير 2010

          هل مليون برميل بترول يساوى نقطة دم 

 بعد غياب طويل عن لمبه سهارى  عادل رشاد يكتب :
الاديب الكبير عادل رشاد 

--تحية لكل شهيد --

يا أبنى قوم شوفلنا لقمه طريّه نأكلها
بدل ما إنت عمال تقلب علينا المواجع
وعمال تسأل علشان تعرف
هما الجزيرتين تيران وصنافير مصريه ولا سعوديه ؟؟؟
طيب أقولك علشان أريحك مين كان حاميهم ؟
وكام سعودى استشهدوا فيهم ؟
وكام لتر دم سال على أراضيهم ؟
يا أبنى بقولك كام لتر دم -- دم -- مش كام لتر بترول
هو على فكره لتر الدم يساوى كام برميل بترول ؟
وهل مليون برميل بترول يساوى نقطة دم ؟
يا أبنى وجعت قلبى إزاى مافيش غير عيش ناشف ؟
شوفلى لقمه طريه ..سنانى مش مستحمله الأسيه
طيب روح بللى اللقمه من مية البحر اللى عند الجزيرتين
على الأقل يبقى عيش وملح بحر
بس أوعى تبلهم بالدم اللى سال عليهم من سنين
حاكم انا عارفك يالئيييييم دايمآ بتفكرنى بالأنين
بس عارف يا أبنى المصرى عمره ماكان يوم مرتزقه
ولا باع نقطه من دمه ولا فرط فى وطنه
يأكلها بملح ولا يفرط فى شرفه وعرضه
ولا فى أى قطعه من أرضه
أصل المصرى أصيل
وعشان بلده الدم يبقى رخيص
وبيطلب من الله انه يموت شهيد

فتحيه لكل شهيد
بليت العيش يابنى ؟؟؟
يااااااااااااااااااااااااه
آآآآآآآآآآآآآآآآآآآآآآآآآه
حلْقى بُقى بيوجعنى أصل طقم السنان واجعنى
*****
لمبه سهارى 
الوطن لا يُعار فى الوغى ويُستردُ وقت السلم .
    احمد السيد النجار رئيس مجلس ادارةالاهرام


خاطر: 
صحيح ان القرآن الكريم  وفى احدى الايات يقول
( ولا تزرُ وازرةٌ وزر َ أخرى )
لكن ذلك عند ارتكاب الوِزر والإثم  اما فى المناسبات السعيدة المفرحة فلا تنطبق  لذا فواجب التهنئة عن المناسبات السعيدة ... ترقية ... زواج ... مولود جديد...  للشخص المحتفى به بصرف النظر عن الخلافات  مع شريكه  ...مش كده ولا إيه  
 اصدقائى الاعزاء

   لكم منى التحية والاحترام  ولمصر الحب كله
                  العربى السمان 


هناك 5 تعليقات:

Unknown يقول...

تحية حب وتقدير للكاتب الكبير الاستاذ عادل رشاد
وتحية من القلب للاستاذ القدير الاستاذ عربي السمان وجريدته الموقرة

Unknown يقول...

تحية حب وتقدير للكاتب الكبير الاستاذ عادل رشاد
وتحية من القلب للاستاذ القدير الاستاذ عربي السمان وجريدته الموقرة

Unknown يقول...

تحية حب وتقدير لكاتبنا القدير استاذ عادل رشاد
وتحية من القلب للناشر العظيم استاذ عربي السمان وجريدته الحره العظيمة ..تحية لكل مصري محب لتراب بلده وغيور عليها

Unknown يقول...


الصديقة العزيزة ندى العمر اسرةالتحرير تتقدم لك باسمى آيات الشكر على كلماتك الرقيقة داعين الله ان يوفقنا دائما الى الخير وان نكون عند حسن ظنك تحياتى لحضرتك المخلص العربى السمان

Unknown يقول...

كل الاحترام والتقدير لشخصكم الكريم ايها المبدع الاستاذ العربي السمان