( 575 ) ياريت كلنا نقرا الكلام ده عشان نعرف حقيقة الوضع على الحدود ( فوزية طايع )

صدر العدد الاول فى يناير 2010



كلام مهم جدا يجب الالتفات اليه ودراسته 

  الصديقة فوزية طايع حرم النائب الاسبق ( محمد طايع ) لفتت نظرنا الى رؤية

 قدمها الصديق ( يحى زكريا   ) ورأيتُ اصدقائى اهميتها فأقدمها لكم مع رجائى القراءة 

بعناية . 

السيدة فوزية طايع
 ام الاحرار فى السويس 

ياريت كلنا نقرا الكلام المهم ده علشان نفهم حقيقة الوضع على الحدود

يقول الصديق يحى زكريا :

المشكلة الأساسية في شمال سيناء، خاصةً رفح و الشيخ زويد ، هو وجود خلل ديموجرافى .. خلل في التركيبة السكانية و الاجتماعية و اختلال مستوى الدخل مع الشرائح السنية و لخبطة الهرم العشائري بفعل فلوس الأنفاق .. شيوخ القبائل فقدوا سيطرتهم ، و الشباب بعضهم دخله بيوصل لخمسين ألف شهريا.. و العامل البسيط اللي بيشتغل في أعمال الحفر يوميته بتوصل لـ 300 جنيه، يعنى لو اشتغل 20 يوم و ريّح عشرة هيصفّي 6000 جنيه في الشهر .. اللي فى الجيش بقاله 20 سنة ما شافهمش ..

فتحت حوار أكتر من مرة مع مختلف الشرائح في المنطقة دي .. أهم ما استخلصته الآتي :

أولا .. رفح المصرية و الفلسطينية عائلة واحدة .. يعني تجارة عائلية ... الناحيتين قرايب .. وهتلاقي صاحب المدخل ابن عم صاحب المخرج ... و غالباً بيتجوزوا من بعض لزوم البيزنس .... و ترسيم الحدود فعليا قسّم رفح نصين .. على سبيل المثال .. شارع صلاح الدين أو ممر صلاح الدين موجود امتداد ليه داخل القطاع و اللي قاطعه الحدود و بنفس الاسم ..

ثانيا : الشباب الصغير كتر الفلوس و سهولة الحصول عليها .. خلاه بقى صعب يشتغل أي شغلانة شريفة .. اللي يعرف شغلانه شريفه لواحد شاب بدون أي مؤهل و لا حتى صنعة تِكسّب في المتوسط عشرة آلاف جنيه شهرياً ‫‏يقولنا ..

ثالثاً: شيوخ القبائل كان فيه و خلص .. الشباب الصغير الفلوس خلاص جريت في إيده و مبقاش ليه كبير ...

رابعاً : هما مقتنعين تماماً انها حلال .. يعنى سكة التوعية و حرام و حلال ‫مقفولة .. و لو قلتله ده خطر على الأمن القومي .. هيقولك خلاص يا باشا .. المخدرات برضه حلال و مش خطر على الأمن القومي ..!!

خامساً : كل ما زاد عمق المنطقه العازله هتقلل من قصة التهريب (بضائع و افراد) .. يعنى هتزود الصعوبه ... بس مش هتمنع منع تام .. فيه أنفاق معدية الـ 3 كيلو .

سادساً : تُجّار الأنفاق و الإرهابيين و تٌجّار المخدرات حاليا في مركب واحد .. وجود الجيش بكثافه ( مكفّر)  مِغَلّب التلاتة فى عيشتهم ...

سابعا: الشرطة هناك مش مؤهلة لأعمال قتال عنيفة ... ممكن دورهم يقتصر على الجانب المعلوماتي . 

صورة توضيحية لمسير نفق 

ثامنا و أخيراً .. 99 % من البيوت اللي على الشريط الحدود آيلة للسقوط بفعل الانهيارات الأرضيه للأنفاق .. و معظم العائلات هناك عندها بيوت تانية في العريش و قاعدين فى البيوت اللي على الحدود علشان بيزنس الأنفاق ، أو بيدفعوا فلوس لأسر تانية علشان تشغل البيت لأن الجيش بيهد أي بيت مهجور على الحدود ...

الهدف من الكلام ده ‫#‏الآتي:

----------------------------------

قريت كلام كتير لناس بتبحث عن حلول و تقترح اقتراحات كلها نظريا جميلة .. اقروا بقى الكلمتين اللي فوق دول تاني و دوروا على حل ينفع يتطبق أو وظائف دخلها الشهري فى حدود الـ 10000 جنيه لواحد أهم مؤهلاته انه حافظ المدقات في الجبل كويس ..

منعا للردود اللى انها حافظها ... كلامي مش على كل أهل سيناء و لا على كل أهل شمال سيناء .. كلامي على نسبة منهم و الباقي فعلا شرفاء ، وعارف أن الدوله مقصره و أهملت سيناء و كل الكلام ده ... عايزين حلول مع مراعاة ما سبق ذكره ..

الخلاصة .. الجيش بعد الثورة المباركه شال الشيلة كلها  ‫العيش لحد مكافحة ‫ كيف نقضى على الإرهاب ؟؟؟ ... اللى عنده حل ‫‏ غير انتقاد إجراءات الجيش ياريت يقولنا ..

‫    اللى مناخيره في الكُلّه غير اللي ايده فى النار

*** لمبه سهارى : شكرا للاستاذه فوزية طايع والف شكر للصديق يحى زكريا  بقى ان نشد من أزر قواتنا المسلحة ونؤيد ما تتخذه من اجراءات لدحر قوات الغدر والخسة والخيانة والكسب الحرام 

 لكم منى كل احترام ولمصر الحب كله 

                  عربى السمان