( 567 ) تخاريف عادل رشاد نونة مش نانا

صدر العدد الاول فى يناير 2010

   الحب ممكن فى وسط الزحام بيتوه

    -- لكن العشق عمره فى يوم مايتوه

عادل رشاد يكتب :

نونه -- تبقى أخت نانا

الكاتب الكبير عادل رشاد 

زى ما الجخ قالها ( نانا ) تسمحولى أقولها

( نونه ) -- هشام عايزها ( نانا ) وانا بقولها

نونه ) )

نونه هىّ شىء جميل شىء غريب حلم فى حياتى من سنين -- بس هىّ موجوده فعلآ كلها ود وحنين -- مره أشوفها قصادى ومره أشوفها فى خيالى ومره أشوفها فى منامى حلمها بيكون جميل --

نونه بنت حلوه خالص ودايمآ القمر عليها باصص

-- تبتسم له يقوم منّور --- ولو فى يوم غابت عنه يقوم قمرنا قوام مضلّم --

نونه حدوته جميله تسمعوها منى أحسن ولا تستنوا تشوفوها على مر السنين -- عارفين حكاية قيس وليلى -- كنتم شفتم قيس وليلى ؟ ولا حكتها السنين ؟ --

أصل نونه حكايه حلوه بس عيبها بتغيب كتير -- مره تضحك ومره تفرح  وقلبها مليان أنين -- ولما اقول عن الشوق والحنين تبتسملى وتزعل منى -

-اقولها أعذرينى شوقى ليكى غصب عنى أعذرينى -- أعذري لهفتى وحنينى مش بإيدى أعذرينى --كل شىء يبعدنى عنك غصب عنى إلا حبى ليكى هو بس كان بخاطرى -

عارفه يانونه كنت بدور عليكى فى كل حته -- كنت أبص لعيون الناس فى كل لمحه -- يمكن اشوفك أو المح طيفك -- وكل مره أرجع حزين من غير ماشوفك -- حبك فى قلبى خلا منى شخص تانى -- خلا عينيّه على طول تبكى فراقك -- وأقل كلمه تحز فىّ وانتهزها فرصه لأبكى ليالى --

آه يانونه غصب عنى مانتى مش أى واحده ده انتى قمر الليالى -- عمرى كله من يوم ماعشته ماشفت يوم حد فى جمالك -- يانونه قلبى اللى حَبك -- مش عينيه ولا فى خيالى --قبل ماشوفك هو حَبك علشان كده بيبكى الليالى --عايزك فى حضنه -- عايز يضمك ضمه واحده ينتهى بالعمر اللى باقى --

صدقينى غصب عنى صدقينى --قلبى انكوى بنار حبك ومافيش غير قلبك هايداوينى -- نفسى ابص فى عنيكى مره أصل الغربه مره -- نفسى أحكى من غير ما أبكى ولا عمرى هاشكى --

نونه أنا غير كل البشر لما بحب بوفى ولما بشتاق ببكى --كان نفسى يوم يكون لى قلب زى الحجر -- بس قلبى معاكى انتى طفل برىء مالوش غير البكا --

عارفه يانونه الحب ماكانش الا عشانك -- بس ده مش حب ده عشق --عارفه يعنى ايه بعشقك -- يعنى مش شايف حد فى الدنيا غيرك -- روحى ماتعلّقتْش بحد غيرك -- كل جمال الدنيا مش شايفه فى حد غيرك --

الحب ممكن فى وسط الزحام بيتوه -- لكن العشق عمره فى يوم مايتوه -- مش بقولك أنا غير كل البشر -- قلبى كل يوم بيتعصر -- أصل قلبى غير قلوب كل البشر -- سامحينى واوعى تقولى ده قلبه آسى -- هوَ ده حبى كله مآسى -- الحياه يانونه لما تكونى جنبى لما تضمى صدرى -- لما أخدك جوه حضنى -- ساعتها بس احس انى على قيد الحياه -

ماكنتش اعرف ان الحب فيه شىء غريب بيخلى الواحد زى الغريق -- كنت فاكر ان خلاص مافيش دموع -- لقيت فى حنين بيكوى الضلوع ودموع وشوق مابينتهيش --

بس تانى هاقولها تانى --زى ما الجخ قالها نانا طول عمرى

مع خالص تحياتى للشاعر هشام الجخ .  عادل رشاد

****  اصدقائى الاعزاء

  عندما تقرأ للكاتب الكبير عادل رشاد تحس أنك مضطر لمواصلة ما يكتب حتى النهاية  وتصبح شغوفا بمعرفة النهاية . تحس انك تقرأ من نفسك لنفسك  لا تحس معه بالغربة واحد بيحكى حكايتك  وحكاية جارك او قريبك . واقعية الحكى بخيال الاديب اضفى جو من الرومانسية اللذيدة لا تريد ان تفيق منها .  وانظر الى قوله (  الحب ممكن فى وسط الزحام بيتوه -- لكن العشق عمره فى يوم مايتوه )  اى روعة نقرأ  هى الحقيقة بخيال الاديب .

 لكم كل احترامى ولمصر الحب كله

                    عربى السمان