.jpg)
اصدقائى الاعزاء
زيارة موقع الحفر بقناة السويس الجديدة جاء في موعده وأزال تساؤلات عديدة كانت في الاذهان ورجعنا من الزيارة وكلنا اصابتنا حالة نشوة جميلة بان الامل تجدد في ان نعتلى مكانتنا الطبيعية بين دول المقدمة وان يعم الرخاء بلدنا .
وكنت قد كتبت كلمات تعبر عن هذا الحدث من قبل زيارته تقول :
مصر عظيمة كلها قيمة عملت ثورة يوم تلاتين .... تَوّج نورها خروج ملايين
ثاروا وقالوا مش راجعين نحبس تانى حريتنا بعد كفاحنا وصبر سنين
الله الله ع المصريين
يوم ما الريس قال أممنا القنال قالوا ده شىء محال وبعيد المنال
كل الناس قلوا وراه أممنا القنال اممنا القنال
ودلوقتى الريس قال حنزيد القنا ل مجرى ومن حواليه مستقبل للأجيال
وآدى الشعب صحى وياه وقالوّا عال العال حنفذ في الحــال
والله يامصر عظيمة برجالك بعد الصبر الخير أهو جالك
الله الله ع المصريين
يالا يامصرى يابوالجدعان خلى قناة الخير عنوان
خلى الصحرا صناعة وخضرة تهدى سفاين كل مكان
احفر يالا بعزم وهمة لاجل ولادنا تعيش في امان
الله الله ع المصريين
ثم وفقنى الله بعمل لحن بسيط لهذه الكلمات من مقام مسموع من عامة الناس ( مقام الراست ) وما ان سمعها صديقى العزيز عازف الكمان وجدى مسعود رئيس فريق الموسيقى للتخت الشرقى حتى عزفها معجبا بها ورشحنا الفنان الصاعد
صلاح عبد الجليل ليغنيها كأول عمل له ويارب تعجبكم لكم احترامى وتقديرى ولمصر الحب كله .
عربى السمان
ليست هناك تعليقات:
إرسال تعليق